रहस्य भानगड किल्ल्याचे - Secret of Bhangarh Fort
भुतांच्या गोष्टी म्हटलं की सगळ्यांच्याच अंगावर काटा येतो. भूत जरी कुणी पाहिले नसले तरी सगळ्यांच्या मनात भीती असतेच. तसे असले तरीही भुतांच्या गोष्टी वाचायला खूप जणांना आवडते. भुतांच्या सत्य घटना अनेक ठिकाणी घडत असतात. आज आपण अश्याच एका सत्य घटनेवर आधारित भुताच्या किल्ल्याविषयी पाहणार आहोत.
जगात अशी अनेक ठिकाणे आहेत जिथे दुरात्म्यांनी आपली पकड ठेवली आहे. इतिहासाची पाने उलटली तर ही तीच ठिकाणे आहेत जी एके काळी खूप आनंदी असायची आणि केवळ एका वाईट नजरेमुळे ती जागा आज शापित झाली आहे. जिथे पूर्वी सगळीकडे आनंद असायचा, आज ती जागा कुठेतरी अंधारात हरवली आहे. असेच एक ठिकाण म्हणजे भानगडचा किल्ला, जो आपल्या भुताटकीच्या गोष्टींमुळे खूप चर्चेत आहे. कदाचित फार कमी लोकांना हे माहीत असेल की या कथा नाहीत तर इतके धोकादायक सत्य आहे ज्याचा आजपर्यंत शोध लागलेला नाही.
भानगड किल्ल्याचा इतिहास
भानगड किल्ला राजस्थानच्या जयपूर जिल्ह्यापासून ८० किमी अंतरावर अलवर जिल्ह्यात आहे. भानगड किल्ला सतराव्या शतकात राजा सवाई मानसिंग यांचा धाकटा भाऊ राजा माधो सिंग याने बांधला असून हा किल्ला पर्वतांच्या सौंदर्याने वेढलेला आहे. या किल्ल्याच्या बांधकामात उत्कृष्ट कारागिरीचा वापर करण्यात आला आहे, तसेच या किल्ल्यात हिंदू देवदेवतांची मंदिरेही बांधण्यात आली आहेत. भानगड किल्ला अतिशय मजबूत दगडांनी बांधला होता जो आजही उभा आहे. पण या सुंदर भानगड किल्ल्याचे एक भयंकर सत्य त्यात कैद झाले आहे आणि ते म्हणजे एका तांत्रिकाचा शाप, त्यामुळे आजही या किल्ल्यावर संध्याकाळ होताच भयंकर आवाज येऊ लागतो.
भानगडची राजकन्या रत्नावती खूप सुंदर होती. आजूबाजूच्या राज्यांतील सर्व राजपुत्रांना तिच्याशी लग्न करायचे होते पण रत्नावती कोणालाच पसंत करत नव्हती. पण त्याच भागात राहणारा, काळी जादू जाणणाऱ्या सिंघियाचीही नजर रत्नावतीवर होती. तो राणी रत्नावतीच्या रूपाने वेडा झाला होता आणि त्याला तीच्याशी लग्न करायचे होते पण रत्नावतीने त्याच्याकडे लक्ष दिले नाही.
राणी रत्नावती ज्या दुकानातून अत्तर वापरत असे, त्या दुकानात जाऊन त्याने रत्नावतीने पाठवलेल्या अत्तराच्या बाटलीवर वशिकरण मंत्राचा वापर करून तिच्यावर काळी जादू केली. मात्र या काळ्या जादूचा परिणाम सिंघियावर उलटला आणि काळ्या जादूगार सिंघियाला एका जड दगडाखाली येऊन आपला जीव गमवावा लागला. पण मरताना त्याने राजकन्येसह संपूर्ण भानगडला शाप दिला की या राजवाड्यात आणि भानगडमध्ये राहणारे सर्व लोक मरतील आणि तो पुन्हा जन्म घेऊ शकणार नाही, त्याचा आत्मा कायम या ठिकाणी कैद होईल. सिंघियाच्या मृत्यूनंतर काही दिवसांनी भानगढ आणि अजबगढ दरम्यान एक युद्ध झाले, ज्यामध्ये राजकुमारी रत्नावतीसह भानगडमधील सर्व रहिवासी मरण पावले.
भानगड किल्ल्यावर कसे पोहोचायचे?
अलवर पासून भानगड किल्ल्यापासून जवळचे शहर अलवर आहे जे या ठिकाणापासून 90 किमी अंतरावर आहे. येथून भानगडला पोहोचण्याचा सर्वात सोयीचा मार्ग म्हणजे भाड्याने घेतलेल्या कॅब किंवा बसेस ज्या सहज उपलब्ध आहेत.भानगड किल्ला खरच झपाटलेला आहे का?
रात्रीच्या वेळी या किल्ल्यावर जाण्यास सक्त मनाई आहे. येथील राहणाऱ्या लोकांचे म्हणणे आहे की, आजही येथुन भयानक आवाज ऐकायला येतात. भारतीय पुरातत्व सर्वेक्षण विभागाने लावलेल्या एका फलकावर पर्यटकांना अंधारात किल्ल्याच्या परिसरात न येण्याचा इशारा दिला आहे.
आशा आहे की तुम्हाला हा लेख आवडला असेल. आवडल्यास इतरांना शेअर करा. भानगढ किल्ल्याविषयी आणखी वाचण्यासाठी तुम्ही google वर सर्च करू शकता. ब्लॉगला भेट दिल्याबद्दल धन्यवाद.